ԱՅՑԵԼՈՒԹԻՒՆ ԿՈՒՍԱԿԱԼԻՆ

Kategori: Աշխարհական

istanbul valiՊատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեան 1 Հոկտեմբեր 2014, Չորեքշաբթի ժամը 14.30ին քաղաքավարական այցելութիւն մը տուաւ Ստանպուլի մեծայարգ Կուսակալ Վասիփ Շահինի, որ վերջերս ձեռնարկած էր իր պաշտօնին։ Նորին Սրբազնութեան ընկերացան Արժ. Տ. Շիրվան Քհնյ. Միւրզեան եւ Աթոռանիստ Մայր Եկեղեցւոյ Թաղային Խորհուրդի Ատենապետ Տիար Հրանդ Մոսկոֆեան։

Սրբազան Հայրը, յանուն Պատրիարքական Աթոռոյ եւ Հայ Համայնքին շնորհաւորեց Մեծայարգ Կուսակալը եւ յաջողութիւն մաղթեց իր նոր պաշտօնին մէջ։ Մեծայարգ Կուսակալը շնորհակալութիւն յայտնեց, այս այցելութեան եւ կատարուած բարեմաղթութիւններուն համար։ Հետաքրքրուեցաւ Հայ համանքի հետ եւ ստացաւ հակիրճ տեղեկութիւններ։ Ի յիշատակ սոյն շնորհաւորական այցելութեան, Նորին Սրբազնութիւնը մեծայարգ կուսակալին նուիրեց նաեւ յուշանուէր մը։