Ա.Մ.Ն.-Է ՀԻՒՐԵՐՈՒ ԱՅՑԸ ՊԱՏՐԻԱՐՔԱՐԱՆ

Kategori: Աշխարհական

usa ziyaretcilerԱ.Մ.Ն.-է խումբ մը, 25 Ապրիլ 2014, Ուրբաթ, ժամը 11.00-ին այցելեց Պատրիարքարան եւ ընդունուեցաւ Պատրիարքական Ընդհանուր Փոխանորդ՝ Բարձր. Տ. Արամ Ս. Արքեպս. Աթէշեանի կողմէ։

Ա.Մ.Ն.ի երեսփոխաններու խորհրդականներէ բաղկացեալ խումբը, Պօղազիչի Աթլանթիք Մշակութային Եղբայրութեան եւ Գործակցութեան Միութեան (BAKIAD) եւ Քալիֆօրնիոյ Փասիֆիքա Հիմնարկի կազմակերպութեամբ կը գտնուէր քաղաքս։ Այս առումով, խումբի անդամները փափաքած էին քաղաքավարական այցելութիւն մը տալ եւ գաղափարի փոխանցում ունենալ Պատրիարքական Ընդհանուր Փոխանորդ Սրբազան Հօր հետ։

Նորին Սրբազնութիւնը բարի գալուստ մաղթելէ յետոյ, տեղեկութիւն տուաւ Թուրքիոյ Հայ համայնքի, Հայ Եկեղեցւոյ ու Պատրիարքական Աթոռոյս պատմութեան, այժմու վիճակին մասին, ապա պատասխանեց այցելուներու հարցումներուն։