ԼԻՏԱ ՔԷՕՍԷՕՂԼՈՒ ՊԱՏՐԻԱՐՔԱՐԱՆԻ ՄԷՋ

Kategori: Աշխարհական,Համայնքային

Ստանպուլահայ հասարակութեան ծանօթ երգչուհի Լիտա Քէօսէօղլու 22 Նոյեմբեր 2019, Ուրբաթ, ժամը՝ 10.00-ին այցելեց Պատրիարքարան եւ ընդունուեցաւ Պատրիարքական Տեղապահ՝ Բարձր. Տ. Սահակ Եպս. Մաշալեանի կողմէ։

Ան եկած էր Նորին Սրբազնութեան իր սկաւառակէն նմոյշ մը նուիրելու։ Սկաւառակը, որ «Լոյս» անունով դրոշմուած է, կը պարունակէ Հոգեւոր Երգեր, Տաղեր եւ Մեղեդիներ։

2019 LIDA KOSEOGLU

Նորին Սրբազնութիւնը, իր գոհունակութիւնը յայտնեց տրուած այցելութեան համար։ Գնահատեց տարուած աշխատանքը որպէս Հայ Հոգեւոր Երգի ծանօթացման ու ծաւալման միջոց։ Նորին Սրբազնութիւնը յաջողութիւն մաղթեց իր գործունէութեանց մէջ։