ՀԱՆԳԻՍՏ ՏԷՐ ԳԱԼՈՒՍՏ ԱՒԱԳ ՔԱՀԱՆԱՅԻ ԹԵՒԵԱՆ

Kategori: Եկեղեցական,Համայնքային,Փաստաթուղթեր

badiarkaran logoՔառասունեւութնամեայ ժամանակաւ սպասաւորեալ Հայաստանեայց Առաքելական Սուրբ Եկեղեցւոյ, երբեմնի հոգեւոր հովուին Երեւման Ս. Խաչ Եկեղեցւոյ, Գուրուչէշմէ թաղի քաղաքիս եւ զկնի գաղթելոյ ի Ֆրանսա հոգեւոր պաշտօնէին ի շարս հոգեւորականաց դասու ի նոյն վիճակին, փոխեցաւ առ Աստուած ի յոյս կենացն յաւիտենից ի Նիս քաղաքի, ի Ֆրանսա, յամին 2013, ի20ն Հոկտեմբերի յաւուրն Միաշաբթւոջն։ Կամք Տեառն օրհնեալ եղիցի։

Մատչի Սուրբ եւ Անմահ Պատարագ յաւուրն Ուրբաթու, ի 25ն Հոկտեմբերի ի ժամ 10.30-ի եւ կատարի օծումն նորին յԵկեղեցւոջ յանուն Ս. Վարդանանց, Ֆէրիգիւղ թաղի քաղաքիս եւ ամփոփի մարմինն ի գերեզմանատանն որ ի Շիշլի, ի թաղամասի քահանայից։

Տէր լուսաւորեսցէ զհոգի վախճանեալ սպասաւորին, տացէ մխիթարութիւն զաւակաց Եկեղեցւոյ իւրում եւ յարուսցէ այլ մշակս ի հունձս իւր։

ՊԱՏՐԻԱՐՔՈՒԹԻՒՆ ՀԱՅՈՑ ԹՈՒՐՔԻՈՅ

***

ԿԵՆՍԱԳՐԱԿԱՆ ԳԻԾԵՐ
ՎԱԽՃԱՆԵԱԼ ԳԱԼՈՒՍՏ ԱՒԱԳ ՔԱՀԱՆԱՅ ԹԵՒԵԱՆԻ

der kalusd kahanaԱւազանի անունով Յովակիմ-Գեղամ, որդի Բագարատի եւ Լուիզի՝ Մարգարեան, ծնած է 16 Յունիս 1924ին, Սկիւտար։ Նախակրթութիւնը կը ստանայ Սկիւտարի Ս. Խաչ եւ Սէմէրճեան Ճեմարան Վարժարաններուն մէջ։ Ապա միջնակարգի եւ լիսէի ուսումը կը կատարելավործէ  Կեդրոնական եւ Մխիթարեան վարժարաններուն մէջ։ Տարի մը կ՚ուսանի Ռոպէրթ Քոլէճի մէջ, ապա կը մասնակցի Ստանպուլի Համալսարանի Գրական Ֆաքիւլթէի դասընթացքներուն։

Զինուորական պարտականութենէն յետոյ, 29 Օգոստոս 1954ին կ՚ամուսնանայ Սիւզան Փափազեանի հետ։ Կ՚ունենայ աղջիկ զաւակ մը՝ Թալին։

Դպրութեան չորս աստիճանները կը ստանայ 30 Սեպտեմբեր 1939ին, ձեռամբ Մեսրոպ Պատրիարքի, Սկիւտարի Ս. Խաչ Եկեղեցւոյ մէջ։ Խասգիւղի Ս. Ստեփանոս Եկեղեցւոյ վրայ ուրար կրելու արտօնութիւն կը ստանայ 28 Յունիս 1964ին, Գանտիլլիի Ս. Երկոտասան Առաքելոց Եկեղեցւոյ մէջ ձեռամբ Շնորհք Պատրիարքի։

Գուրուչէշմէի Երեւման Ս. Խաչ Եկեղեցւոյ Թաղային Խորհուրդը զինքը կը ներկայացնեն որպէս թեկնածու քահանայութեան։ Շնորհք Պատրիարքի ձեռամբ 6 Յուլիս 1965ին Պօյաճըգիւղի Ս. Երից Մանկանց Եկեղեցւոյ մէջ նախ կը ձեռնադրուի Սարկաւագ, իսկ 11 Յուլիս 1965ին՝ Ենիգիւղի Գիւտ Տփոյ Ս. Աստուածածնի Եկեղեցւոյ մէջ՝ քահանայ օծակից ունենալով Սեդրակ Քհնյ. Պէրպէրեանը։

Գալուստ Քահանայ Իր հովուական պարտականութեան առընթեր կը ծառայէ նաեւ Պատրիարքարանի մէջ։ Շնորհք Պատրիարքի արտօնութեամբ 1970ին կը հաստատուի Նիս եւ կը սկսի պաշտօնավարել քաղաքի Ս. Աստուածածին Եկեղեցւոյ մէջ։ Ապա կը ծառայէ որպէս այցելու հովիւ Մարսիլիոյ, Պոմոնի, Քամբանեը- տը Ֆրէզի, Լա Սիոթայի, Սէն Ռաֆաէլի գաղութներուն։ Գարեգին Բ. Պատրիարքէն կը ստանայ լանջախաչ կրելու արտօնութիւն։ Իր քահանայութեան 35-ամեակին առթիւ 27 Ապրիլ 2000-ին Մեսրոպ Բ. Պատրիարքէն կը ստանայ ծաղկեայ փիլոն կրելու արտօնութիւն եւ աւագութեան պատիւ։

Ծնած եւ սնած ըլլալով Ստանպուլի մէջ, միշտ կապ պահած էր իր ծննդավայրին հետ եւ արձակուրդի առիթներով միշտ կ՚այցելէր ու կը մասնակցէր մեր եկեղեցիներուն մէջ կատարուած արարողութիւններուն եւ կը մատուցէր Ս. Պատարագ։

Վերջերս կը տեղեկանայինք, թէ իր առողջական վիճակը վատթարացած էր եւ ենթարկուած բժշկական խնամքի։

Գալուստ Աւ. Քհնյ. Թեւեան, իր հոգին երկնաւոր Հօր ձեռքերուն մէջ կÿաւանդէ 20 Հոկտեմբեր 2013, Կիրակի օր։

Իր կտակն էր թաղուիլ իր ծննդավայրին մէջ։  Վախճանեալ Տէր Հօր մարմինը, ըստ իր վերջին փափաքին, Նիսէն կը փոխադրուի Ստանպուլ, ուր պիտի կատարուի իր յուղարկաւորութեան արարողութիւնը։

Աստուած հոգին լուսաւորէ։