Ինչպէս ծանօթ է, 2 Սեպտեմբեր 2020 թուականին կոչ ուղղած էինք մեր համայնքի անդամներուն, որպէսզի իրենց կարելիութիւնները կեդրոնացնէին մեր համայնքային վարժարաններու կարիքաւոր աշակերտներու համակարգիչ մը յատկացնելու նպատակաւ։

Մեր համայնքային վարժարաններէն հասած ընդհանուր կարիքն էր 219 համակարգիչ։ Սոյն նպատակաւ գոյացած գումարներով 18 Սեպտեմբեր 2020, Ուրբաթ (այսօր) 178 համակարգիչներ արդէն յանձնուած են վարժարաններուն։ Մեր աշակերտները տակաւին կարիքը ունին 41 համակարգիչներու։

Պէտք է շեշտել, թէ աշակերտներուն տրամադրուած համակարգիչները ունին հետեւեալ մասնայատկութիւնները՝ (INTEL I3.3Gen 8 GB RAM 500 GB HD 19.5″ Monitörlü Masa Üstü Bilgisayarı + Speaker + Kamera + USB Wifi)

Այս ուղղութեամբ կարելի է գնել նոր համակարգիչ մը ու նուիրել զայն Պատրիարքարան կամ գումարը փոխանցել հետեւեալ հաշիւներուն՝ օգտագործելու համար նոյն նպատակաւ, որ է 1.500,00 ԹԼ։

Դիմել Աթոռոյս Ընկերային Օժանդակութեան Յանձնախումբի Ատենապետ՝ Խաչիկ Ճանէլի՝ հեռ – 0533 415 5018 կամ Խոսրով Քէօլէդաւիթօղլուի՝ հեռ 0532 272 9216 համարներուն։

ԴԻՒԱՆ ՊԱՏՐԻԱՐՔՈՒԹԵԱՆ