ՊԱՏՐԻԱՐՔԱԿԱՆ ՏԵՂԱՊԱՀ ՍՐԲԱԶԱՆ ՀԱՅՐԸ ԱՅՑԵԼԵՑ ՄԻՒՌՈՆ ԱՒԱԳ ՔԱՀԱՆԱՅԻՆ

Kategori: Կարճ լուրեր

Պատրիարքական Տեղապահ Բարձր. Տ. Գարեգին Արքեպս. Պէքճեան, ընկերակցութեամբ Պատկառելի Կրօնական Ժողովոյ Ատենապետ Գերշ. Տ. Սահակ Եպս. Մաշալեանի, Հոգշ. Տ. Յարութիւն Աբղ. Տամատեանի եւ Արժ. Տ. Գրիգոր Աւ. Քհնյ. Տամատեանի, 26 Յուլիս 2017, Չորեքշաբթի, ժամը 16.00-ին այցելեց Պէյօղլուի Ս. Եկեղեցեաց Աւագերէց՝ Արժ. Տ. Միւռոն Աւ. Քհնյ. Այվազեանին, որ վերջերս դարմանումի համար կը գտնուի Ս. Փրկիչ Ազգային Հիւանդանոցի մէջ։ Սրբազան Հայրը յիշեցնելով թէ Տէր Հայրը երիցագոյն անդամն է քահանայից դասուն, ինչպէս նաեւ անդամն է Պատկառելի Կրօնական Ժողովոյ, յանուն հոգեւորականաց դասուն իրեն մաղթեց արագ ապագինում եւ առողջութիւն։ Տէր Հայրը եւս շնորհակալութիւն յայտնեց սոյն հայրական այցելութեան եւ բարեմաղթութիւններուն համար։