Ս. ԶԱՏԿՈՒԱՆ ՏԱՂԱՒԱՐԻ ՇՆՈՐՀԱՒՈՐՈՒԹԻՒՆՆԵՐ ՊԱՏՐԻԱՐՔԱՐԱՆԻ ՄԷՋ

Տէր Յիսուս Քրիստոսի հրաշափառ Ս. Յարութեան Տօնին առթիւ Պատրիարքական Ընդհանուր Փոխանորդ Բարձր. Տ. Արամ Արքեպս. Աթէշեան, իր կողքին ունենալով Միջեկեղեցական – Միջկրօնական Բաժանմունքի Տեսուչ՝ Գերշ. Տ. Սահակ Եպս. Մաշալեանը, Պատրիարքական Աթոռոյս Լուսարարապետ Գերպտ. Տ. Թաթուլ Ծ. Վրդ. Անուշեանն ու հոգեւորականաց դասու անդամները, ինչպէս նաեւ Մայր Եկեղեցւոյ Թաղային Խորհուրդի անդամներէն ոմանք՝ գլխաւորութեամբ Ատենապետ Հրանդ Մոսկոֆեանի, 3 Ապրիլ 2018, Երեքշաբթի, ժամը 10.00-էն սկսեալ Պատրիարքարանի դահլիճին մէջ ընդունեց այցելութիւնները։

Այցելութեան եկան Յունաց Ն.Ս.Տ.Տ. Բարթոլոմէոս Ծայրագոյն Պատրիարքը, Լատին Կաթոլիկ համայնքի Պապական Փոխանորդ Մոնս. Ռուբէն Կոնզալէզ Ս. Եպիսկոպոս, Ասորի համայնքի Պատրիարքական Փոխանորդ Գերշ. Մոր Ֆիլիւքսինոս Արքեպս. Չէթին, Թուրքիոյ Հայ Կաթողիկէ համայնքի Վիճակաւոր Արհ. Տ. Լեւոն Արքեպս. Զէքիեան, Ասորի Կաթոլիկ Եկեղեցիէն Արժ. Տ. Օրհան Քհնյ. Չանլը, յանուն Քաղդէացի Կաթոլիկ համայնքի Րէմզի Վրդ. Տիրիլ Հրէից Րաբունապետ Րաւ Իցխաք Հալէվայ։

Բացի հոգեւորականներէ ու իրենց պատուիրակութիւններէն, յանուն Ստանպուլի Աւագ Քաղաքապետի Նատիա Թաշէլ, Պէյօղլուի քաղաքապետ Ահմէտ Միսպահ Տէմիրճան, Շիշլիի Քաղաքապետ Հայրի Ինէօնիւ, իրենց հետեւորդներով։ Ինչպէս նաեւ յանուն Սարըյէրի Քաղաքապետ Շիւքրիւ Կէնչի՝ գլխաւոր օգնականը Իսմաիլ Էրտէմ, յանուն Ֆաթիհի Քաղաքապետ Մուսթաֆա Տէմիրի՝ գլխաւոր խորհոդականը Նիլիւֆէր Թիւրիւթկէն։

Բոլոր այցելուները, Պատրիարքական Ընդհանուր Փոխանորդ Սրբազան Հօր անձին մէջ շնորհաւորեցին Հայ Համայնքի Ս. Յարութեան Տաղաւարը ու իրենց բարեմաղթութիւնները յղեցին։