ԱՄԵՆ. Ս. ՊԱՏՐԻԱՐՔ ՀԱՅՐԸ ՍՐԲԱԼՈՅՍ ՄԻՒՌՈՆՈՎ ՕԾԵՑ ՊԵՏՐՈՍ ՇԻՐԻՆՕՂԼՈՒՆ

Kategori: Կարճ լուրեր,Համայնքային

107Ն.Ա.Տ. Մեսրոպ Ս. Պատրիարք Հայրը 3 Յուլիս 2005 Կիրակի 15.30-ինՊոսթանճըէն Գնալը Կղզի անցաւ եւ Պատրիարքարանի ամարանոցին մէջ շուրջ ժամ մը հանգիստ առնելէ ետք, կղզիի Ս. Գրիգոր Լուսաւորիչ Եկեղեցւոյ մէջ նախագահեց փոքրիկն Պետրոս Շիրինօղլուի մկրտութեան եւ դրոշմի խորհուրդին։

Արարողութեանց հանդիսապետեց Գերշ. Տ. Շահան Արքեպս. Սվաճեան առընթերութեամբ քահանայ հայրերու։ Մկրտութեան խորհուրդը կատարեց տաներէց Արժ. Տ. Գրիգոր Աւ.Քհն. Տամատեան։ Փոքրիկն Պետրոսը Սրբալոյս Միւռոնով օծեց Ամեն. Ս. Պատրիարք Հայրը։ Ներկայ էին Ռումանիոյ եւ Պուլկարիոյ Առաջնորդ՝ Գերշ. Տ. Տիրայր Արքեպս. Մարտիկեան, Պատրիարքական Աթոռոյ միաբաններ՝ Հոգշ. Հ. Զաքէոս Աբղ. Օհանեան եւ Հոգշ. Հ. Թաթուլ Աբղ. Անուշեան, փոքրիկին ազգականները, համայնքային եւ թաղային մարմիններու ներկայացուցիչներ, բարերարներ։

Անդրանիկ որդի երիտասարդ Յակոբ-Սելին Շիրինօղլու ամոլին՝ փոքրիկն Պետրոս թոռնիկն է պոլսահայ համայնքի գլխաւոր բարերարներէն եւ Ս.Փրկիչ Ազգային Հիւանդանոցի Հոգաբարձութեան Ատենապետ՝ Պետրոս Շիրինօղլուի եւ կողակցին՝ Լետայի։ Փոքրիկն Պետրոսի կնքաւորներն էին Նշան-Ռեժինա Ըլկարօղլու ամոլը։

108