Ն.Ա.Տ. Սահակ Բ. Պատրիարք Հայրը, 20 Հոկտեմբեր 2022, Հինգշաբթի, այցելութիւն տուաւ Մալաթիոյ Մայր Քաղաքապետ Սէլահատտին Կիւրքանի։ Նորին Ամենապատուութեան կ’ընկերանային Պատրիարքական Փոխանորդ Արժ. Տ. Գրիգոր Աւ. Քհնյ. Տամատեան, Գաւառի մերազն համայնքներու տեսուչ Արժ. Տ. Աւետիս Քհնյ. Թապաշեան, քաղաքաբնակ համայնքէն Սէրտար Պօյաճը, Մալաթիոյ Հայրենակցական Միութեան Ատենապետ Նուրհան Կէզտիրիճիի եւ Խոսրով Քէօլէդաւիթօղլու։

Մեր Հոգեւոր Պետը Քաղաքապետ Կիւրքանի եւս շնորհակալութիւն յայտնեց ցուցաբերուած ջերմ ընդունելութեան համար։

Մեծայարգ Քաղաքապետը իր կարգին շնորհակալութիւն յայտնեց քաղաքավարական սոյն այցելութեան համար եւ Նորին Ամենապատուութեան նուիրեցԱսլանթէփէի պեղումներէն յայտնաբերուած արձանիկի մը կրկնօրինակը։ Մեր Հոգեւոր Պետը Քաղաքապետին նուիրեց Կարօ Քիւրքմանի աշխատասիրած ոսկերչութեան արուեստի մասին հատորէն օրինակ մը։