Անարատ Յղութիւն Վարժարան, Սամաթիա

(Işkırlak Sok. No. 18, 34098 Kocamustafapaşa)
Հիմնադիր՝ Շահին Չնար Տնօրէն՝ Շահին Չնար
Հեռ.՝ (0212) 585-1160, (0212) 585-1124 ֆաքս՝ (0212) 530-9267
Ել-նամակ՝ okmpanarathigutyun@gmail.com Կայքէջ՝

Հիմնուած է 1868ին Պօղոս  Պէյ Մըսըրլըեանի կողմէ։

Պոլսոյ  ամէնէն  հին աղջկանց վարժարաններէն մէկը եղող վարժարանը չյարմարելով  օրուան  պահանջներուն և չկարենալով գոհացնել դիմումները, յատկապէս Ա. Համաշխարհային  պատերազմի  յաջորդող  օրերուն կը կառուցուի 1922ին այսօրուան շէնքը, որ կը ծառայէ իբրև վարժարան (մինչ հին վարժարանը կը մնայ Քոյրերու Վանատուն)։ Սակայն պատմական շէնքը, նուէրը  բարեյիշատակ Պօղոս Պէյ Մըսըրլեանի, հինցած ու կքած տարիներու վաստակին, 1954ին կը դատապարտուի փլուզումի ենթարկուելու։ 1931ին վարժարանին մէջ կը բացուի Մանկապարտէզի բաժին մը։

1960-1961 տարեշրջանէն սկսեալ բացուած է միջնակարգի բաժինը և շարունակած է  մինչև 1983։ Իսկ 1985էն սկսեալ վարժարանը երկսեռ ըլլալով կը  շարունակէ իր գործունէութեան։

1998էն սկսեալ  վարժարանը ութը տարուայ ստիպողական կրթութեան անցնելով  առաջին հունցքը կու տայ 2000-2001ին։

Վարժարանը այժմ մանկապարտէզի, նախակրթութեան եւ միջնակարգի բաժիններով կը գործէ։