Ն. Ա. Սահակ Բ. Ընտրեալ Պատրիարք Հայրը, 13 Դեկտեմբեր 2019, Ուրբաթ, ժամը 14.00-ին Պատրիարքարանի մէջ ընդունեց Մալաթիա Հայտէրի վարչայիններէն Ճարտարապետ Գէորգ Էօզգարակէօզը։
Ան եկած էր Նորին Ամենապատուութիւնը հրաւիրելու գիրքի շնորհանդէսի մը, որ տեղի պիտի ունենար 19 Դեկտեմբեր 2019, Հինգշաբթի, ժամը՝ 19.00-ին Ֆէրիգիւղի Նազար Շիրինօղլու սրահին մէջ։
Շնորհանդէսը պիտի կայանար Արշակ Ալպօյաճեանի «Պատմութիւն Մալաթիոյ Հայոց» գիրքի Թրքերէնով հրատարակութեան առթիւ։
Ընտրեալ Պատրիարք Հայրը, ուրախութեամբ ողջունեց քաղաքավարական սոյն այցելութիւնը եւ գնահատեց կատարուած աշխատանքը։