Կազմակերպութեամբ «Կալէրի Պիր Զամանլար»ի եւ գործակցութեամբ Օրլանտօ Գալումէնոյի նկարներու արխիւին 28 Նոյեմբեր 2019, Հինգշաբթի երեկոյեան, տեղի ունեցաւ բացումը ցուցահանդէսի մը՝ Հարպիյէյի մէջ։ Ցուցահանդէսը կը բաղկանար երկու մասերէ. Մնայուն բաժնին մէջ Անատօլուի Հայ Պատմութենէն լուսանկարներ տեղ կը գրաւէին, իսկ ժամանակաւոր բաժինը նուիրուած էր Կոմիտասի վաստակին։
Այս ծիրէն ներս գիրքը շնորհանդէս մըն ալ կը կատարուէր՝ «Սիրտս Նման է էն փլած տներ» անունով։ Սոյն առթիւ հրաւիրուած էին Պատրիարքական Տեղապահ՝ Բարձր. Տ. Սահակ Եպս. Մաշալեան, Պատկ. Կրօնական Ժողովոյ Ատենապետ՝ Գերշ. Տ. Արամ Արք. Աթէշեան, Գերպ. Տ. Թաթուլ Ծ. Վրդ. Անուշեան եւ Արժ. Տ. Շիրվան Քհնյ Միւրզեան։ Ներկայ էր նաեւ կոկիկ թիւով արուեստասէր հասարակութիւն մը։
Տեղապահ Սրբազան Հայրը շնորհաւորեց ու գնահատեց կազմակերպիչները եւ շրջեցաւ ցուցահանդէսը։