Շիշլի Մարմնամարզական Միութեան Վարչայիններ՝ Հայկարամ Գարասու, Ալէն Թէքպըչաք եւ Զարեհ Գարագաշ 1 Օգոստոս 2019, Հինգշաբթի, ժամը 10.00-ին, այցելեցին Պատրիարքարան եւ ընդունուեցան Պատրիարքական Տեղապահ Բարձր. Տ. Սահակ Եպս. Մաշալեանի կողմէ։
Այցելուները եկած էին շնորհաւորելու Պատրիարքական նորընտիր Տեղապահ Սրբազան Հայրը։ Անոնք տեղեկութիւններ փոխանցեցին նաեւ Միութեան աշխատանքներուն ու ծրագիրներուն մասին։
Տեղապահ Սրբազան Հայրը շնորհակալութիւն յայտնեց քաղաքավարական սոյն այցելութեան համար եւ կարողութիւն ու յաջողութիւն մաղթեց իրենց գործունէութեանց մէջ։