Մատակասքարի Հանրապետութեան Պատուակալ Հիւպատոս՝ Նէսրին Քարաասլան Գարատաղ 30 Ապրիլ 2018, Երկուշաբթի, ժամը 11.00-ին այցելեց Պատրիարքարան եւ ընդունուեցաւ Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեանի կողմէ։

Մեծայարգ հիւրը եկած էր փափկավարական այցելութեամբ։ Ան փափաքեցաւ նաեւ համայնքային զանազան հարցերու շուրջ ծանօթութիւններ խնդրել։

Սրբազան Հայրը շնորհակալութիւն յայտնեց այս այցելութեան համար եւ փոխանցեց տեղեկութիւններ։ Հիւր Հիւպատոսը, ապա, շնորհակալութիւն յայտնելով մեկնեցաւ։