Ուսուցչաց Միութեան անդամները, առաջնորդութեամբ Ատենապետ՝ Կարապետ Մխալեանի 14 Նոյեմբեր 2019, Հինգշաբթի, ժամը 10.00-ին, այցելեցին Պատրիարքարան եւ ընդունուեցան Պատրիարքական Տեղապահ Բարձր. Տ. Սահակ Եպս. Մաշալեանի կողմէ։ Ընդունելութեան ներկայ էին նաեւ Գարեգին Պարսամեան ու Եուղաբեր Պոյաճեան։
Այցելուները եկած էին Նորին Սրբազնութիւնը հրաւիրելու ուսուցչաց օրուան առթիւ կատարելի ձեռնարկին։ Անոնք տեղեկութիւններ փոխանցեցին նաեւ իրենց գործունէութեանց ու ծրագիրներուն մասին։
Տեղապահ Սրբազան Հայրը շնորհակալութիւն յայտնեց քաղաքավարական սոյն այցելութեան համար եւ կարողութիւն ու յաջողութիւն մաղթեց իրենց գործունէութեանց մէջ։