Հայ Եկեղեցւոյ Համաշխարհային Երիտասարդաց Միաւորման (ՀԵՀԵՄ) կողմէ այս տարի 4-8 Յուլիս 2018 թուականներուն միջեւ Ծաղկաձորի մէջ տեղի կ՚ունենայ համահայկական երիտասարդական հաւաք մը՝ «Դէպի Հայրենիք, դէպի Սուրբ Էջմիածին» թէմայով։
Սոյն հաւաքին Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեանի տնօրինումով կը մասնակցին Հոգշ. Տ. Մաղաքիա Աբղ. Պէսքիսիզեան, Սիրունիկ Ժպիտ Վարդանօղլու եւ Փարալիմփիք Լուղորդ Գարին Էօճալ, որոնք մեկնեցան Հայաստան 4 Յուլիս 2018, Չորեքշաբթի առաւօտեան։
ՀԵՀԵՄի համահայկական երիտասարդական հաւաքը 4 Յուլիս 2018ին բացուեցաւ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի օրհնութեամբ Մայր Աթոռ Սուրբ Էջմիածնի մէջ։ Ծրագրուած է, որ երիտասարդական այս հաւաքին մասնակցին աւելի քան քսան երկիրներ ներկայացնող շուրջ 400 եկեղեցասէր երիտասարդներ:
Հաւաքը սկսաւ դէպի Մայր Աթոռ Սուրբ Էջմիածին ուխտագնացութեամբ, ուր երիտասարդները հանդիպում ունեցան Գարեգին Բ. Ամենայն Հայոց Կաթողիկոսի հետ: Անոնք Նորին Սրբութիւնը դիմաւորեցին Հայրապետական մաղթերգով:
ՀԵՀԵՄի հոգևոր պատասխանատուն է ԱՄՆ Հայոց Արևմտեան թեմի առաջնորդ Գերշ. Տ. Յովնան Արքեպս. Տէրտէրեան։
Պոլսահայ մասնակիցներ կը վերադառնան 9 Յուլիս 2018, Երկուշաբթի։