Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեան, 14 Հոկտեմբեր 2014, Երեքշաբթի, ժամը 10.00-ին այցելեց Յունաց Ն.Ս.Տ.Տ. Բարթոլոմէոս Ծայրագոյն Պատրիարքին։ Նորին Սրբազնութեան կ՚ընկերանային Պատկ. Կրօնական Ժողովոյ Ատենադպիր Արժ. Տ. Գրիգոր Աւ. Քհնյ. Տամատեան եւ Արժ. Տ. Շիրվան Քհնյ. Միւրզեան։ Այցելութեան ընթացքին Նորին Սրբութիւն Ֆրանչիսյուս Ս. Քահանայապետի մօտալուտ այցելութեան առթիւ խորհրդակցութիւն տեղի ունեցաւ։