Պէլճիքայի նորանշանակ Աւագ Հիւպատոս Սէրժ Տիքշէն, 14 Նոյեմբեր 2019, Հինգշաբթի, ժամը 11.00-ին, այցելեց Պատրիարքարան եւ ընդունուեցաւ Պատրիարքական Տեղապահ՝ Բարձր. Տ. Սահակ Եպս. Մաշալեանի կողմէ։ Ընդունելութեան ներկայ էր նաեւ Աթոռոյս Դիւանապետ Գերպ. Տ. Թաթուլ Ծ. Վրդ. Անուշեան։
Այցելու Հիւպատոսը եկած էր քաղաքավարական այցելութեամբ՝ ծանօթանալու համար Թուրքիոյ Հայ Համայնքի հոգեւոր կեդրոնին։ Տեղապահ Սրբազան Հայրը ինչ ինչ տեղեկութիւններ փոխանցեց Ստանպուլահայ Համայնքի, Հայ Եկեղեցւոյ ու Պատրիարքական Աթոռոյ մասին։
Մեծայարգ Հիւպատոսը յայտնեց իր գոհունակութիւնը։ Իսկ Տեղապահ Սրբազան Հայրը շնորհակալութիւն յայտնեց սոյն այցելութեան առթիւ, նաեւ կարողութիւն եւ յաջողութիւն մաղթեց իր պաշտօնին մէջ։