Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեան, ընկերակցութեամբ Արժ. Տ. Շիրվան Քհնյ. Միւրզեանի, 11 Ապրիլ 2016, Երկուշաբթի, փոխադարձ այցելութիւն տուաւ Պոլսոյ Կաթողիկէ Հայոց Առաքելական Կառավարիչ Արհ. Տ. Լեւոն Արքեպս. Զէքիեանի եւ Ասորի Կաթոլիկ Պատրիարքական Փոխանորդ Մոնս. Եուսուֆ Սաղին։ Նորին Սրբազնութիւնը, սոյն այցելութիւններով, հոգեւոր առաջնորդներու անձերուն մէջ, շնորհաւորեց Հայ Կաթողիկէ եւ Ասորի Կաթոլիկ համայնքներու Ս. Զատիկը։