Պատրիարքական Տեղապահ Բարձր. Տ. Սահակ Եպս. Մաշալեան 11 Յուլիս 2019, Հինգշաբթի երեկոյեան, ուղեկցութեամբ Արժ. Տ. Շիրվան Քհնյ. Միւրզեանի, ներկայ գտնուեցաւ ընդունելութեան մը, որ կայացաւ Պէյօղլուի Ֆրանսական Պալատին մէջ։

Բարձրաշնորհ Սրբազան Հայրը յանուն համայնքիս, շնորհաւորեց Ֆրանսայի Անգարայի մօտ Աւագ Դեսպան Շարլ Ֆրիէն ու Ստանպուլի Աւագ Հիւպատոս Պէրթրանտ Պուշուոլթըրը՝ Անկախութեան տօնին առթիւ։ Մեծայարգ Դեսպանն ու Հիւպատոսը շնորհակալութիւն յայտնեցին ներկայութեան համար։