Թուրքիոյ Հայոց Ն.Ա.Տ. Սահակ Բ Պատրիարք Հայրը 29 Նոյեմփբեր 2020, Կիրակի, յետ միջօրէի ժամը 16.00-ին Տօլմապաղչէի Հանրապետութեան Նախագահական Գրասենեակին մէջ կայացած ժողովի մը մասնակցեցաւ։ Ժողովը կայացաւ Թուրքիոյ Հանրապետութեան Արդարութեան Նախարար՝ Մեծայարգ Ապտիւլհամիտ Կիւլի եւ Հանրապատութեան Նախագահութեան Բանբեր՝ Աւագ Դեսպան Մեծայարգ Իպրահիմ Քալընի հիւրասիրութեամբ։
Թուրքիա ապրող փոքրամասնական համայնքներու պետերուն եւ ներկայացուցիչներուն մասնակցութամբ իրականացած այս ժողովը կը կրէր խորհրդակցական բնոյթ, որու ընթացքին օրակարգի եկան առկայ զանազան հարցեր։
Խորհրդակցութեան ընթացքին ընգծուեցաւ թէ՝ Թուրքիոյ մէջ առկայ են բազում հարցեր, նաեւ փոքրամասնական համայնքներ եւս ունին ներհամայնքային հարցեր եւ ժողովի մասնակիցները գոհունակութեամբ ընկալեցին այս հարցերու լուծման համար դրսեւորուած մերձեցումները։
Փոքրամասնակական համայքներու պետերը համամիտ գտնուեցան թէ՝ Թուրքիոյ մէջ առկայ փոքրամասնական համայնքները հետաքրքրող հարցերու միջազգային քաղաքականութեան որպէս ատաղձ օգտագործելու ջանքերը անհանգստութիւն կը յառաջացնէին։ Ընդգծուեցաւ թէ՝ Թուրքիոյ մէջ այս հարցերը լսելու եւ լուծում որոնելու պատրաստ պետական կառոյց մը կար եւ հարցերու լուծման ուղղութեամբ քայլեր կ՚առնուէին։
Շինիչ եւ լուծում որոնելու վրայ կեդրոնացած ու յառաջ տարուած երկխօսութեան եւ խորհրդակցութեան սոյն ժողովը բոլոր հոգեւոր պետերու կողմէ ընկալուեցաւ իբրեւ դրսեւորում՝ ծայր աստիճանի դրական ու բարի կամեցողութեան կեցուածքի։
ԴԻՒԱՆ ՊԱՏՐԻԱՐՔՈՒԹԵԱՆ
30 Նոյեմբեր 2020