Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեան, 17 Ապրիլ 2019, Աւագ Չորեքշաբթի, ժամը՝ 14.00-ին, Իր հետն ունենալով Ֆաթիհի շրջանին մէջ գործող եօթը Եկեղեցիներու Թաղային Խորհուրդներու Ատենապետները շնորհաւորական այցելութիւն մը տուաւ Ֆաթիհի նորընտիր Քաղաքապետ Էրկիւն Թուրանի։
Պատրիարքական Ընդհանուր Փոխանորդ Սրբազան Հայրը շնորհակալութիւն յայտնեց ընդունելութեան համար եւ փոխանցեց իրենց բարեմաղթութիւնները։ Ան յաջողութիւն մաղթեց յարգելի քաղաքապետին իր կարեւոր պարտականութեան մէջ։ Սիրալիր ու մտերմիկ մթնոլորտի մէջ կայացած հանդիպումէն ետք անոնք մեկնեցան քաղաքապետարանէն։