Աւստրալիոյ Սիտնի քաղաքի Հոգեւոր Հովիւ, նախկին Ստանպուլահայ Արժ. Տ. Պարթեւ Աւ. Քհնյ. Գարագաշեան, որ իր տարեկան արձակուրդի առթիւ քաղաքս ժամանած է, ընկերակցութեամբ նոյնպէս նախկին Ստանպուլահայ Պետրոս Զօրլուի 12 Սեպտեմբեր 2019, Հինգշաբթի, ժամը 12.00-ին, այցելեց Պատրիարքարան եւ ընդունուեցաւ Պատրիարքական Տեղապահ Բարձր. Տ. Սահակ Եպս. Մաշալեանի կողմէ։ Ընդունելութեան ներկայ էր նաեւ Դիւանապետ՝ Գերպ. Տ. Թաթուլ Ծ. Վրդ. Անուշեան։
Այցելուները նախ շնորհաւորեցին Պատրիարքական նորընտիր Տեղապահ Սրբազան Հայրը։ Ապա զրուցեցին ինչ ինչ հարցերու մասին։
Տեղապահ Սրբազան Հայրը շնորհակալութիւն յայտնեց քաղաքավարական սոյն այցելութեան համար եւ կարողութիւն ու յաջողութիւն մաղթեց Տէր Հօր։