Պատրիարքական Տեղապահ Բարձր. Տ. Սահակ Եպս. Մաշալեան, 12 Յուլիս 2019, Ուրբաթ, ժամը 11.00-ին, ընդունեց Կէտիկփաշայի Զուարթնոց Դպրաց Դաս եւ Երգչախումբի ներկայացուցիչները՝ գլխաւորութեամբ Դասուն Նախագահ Հոգշ. Տ. Շնորհք Աբղ. Տօնիկեանի։
Անոնք եկած էին շնորհաւորելու Նորին Սրբազնութիւնը։ Զրոյցի ընթացքին զանազան տեղեկութիւններ փոխանցեցին նաեւ Երգչախումբի գործունէութեանց մասին։
Տեղապահ Սրբազան Հայրը շնորհակալութիւն յայտնեց սոյն այցելութեան համար եւ կարողութիւն ու յաջողութիւն մաղթեց իրենց գործունէութեանց մէջ։