Պէլճիքայի Թագաւորի Յիշատակութեան Օրուան առթիւ Պատրիարքական Տեղապահ՝ Բարձր. Տ. Սահակ Եպս. Մաշալեան 15 Նոյեմբեր 2019, Ուրբաթ երեկոյեան, ընկերակցութեամբ Աթոռոյս Դիւանապետ Գերպ. Տ. Թաթուլ Ծ. Վրդ. Անուշեանի մասնակցեցաւ Հիւպատոսարանի մէջ տեղի ունեցած ընդունելութեան։
Տեղապահ Սրբազան Հայրը յանուն Պատրիարքական Աթոռոյ ու Հայ Համայնքի շնորհաւորեց Աւագ Հիւպատոս Սէրժ Տիքշէնը, կողակիցը ու Հիւպատոսարանի դիւանագիտական կազմը։