Թոփգաբըի Ս. Նիկողայոս Եկեղեցւոյ Թաղային Խորհուրդը, գլխաւորութեամբ եկեղեցւոյ երէց՝ Արժ. Տ. Մինաս Քհնյ. Ճիհանկիւլեանի, 11 Հոկտեմբեր 2016, Երեքշաբթի, ժամը 14.00-ին այցելեց Պատրիարքարան եւ ընդունուեցաւ Պատրիարքական Ընդհանուր Փոխանորդ՝ Բարձր. Տ. Արամ Արքեպս. Աթէշեանի կողմէ։Թաղային Խորհուրդի ներկայացուցիչները յայտնեցին, որ Եկեղեցւոյ տարեկան տօնախմբութիւնը այս տարի պիտի կատարուի 11 Դեկտեմբեր 2016, Կիրակի առաւօտ, Աթոռանիստ Մայր Տաճարի մէջ, ապա պիտի սարքուի սիրոյ սեղան ի նպաստ Թոփգաբըի Լեւոն Վարդուհեան Վարժարանին։ Անոնք, եկեղեցւոյ, դպրոցի եւ միութեան գործունէութեանց մասին տեղեկութիւններ փոխանցեցին։
Արամ Սրբազան, կարողութիւն եւ յաջողութիւն մաղթեց Ս. Նիկողայոս Եկեղեցւոյ Թաղային Խորհուրդի անդամներուն, իրենց գործունէութեանց մէջ։