Հրէից Պասէքի տօնին առթիւ, Պատրիարքական Ընդհանուր Փոխանորդ՝ Բարձր. Տ. Արամ Արքեպս. Աթէշեան, 26 Ապրիլ 2016, Երեքշաբթի, շնորհաւորական այցելութիւն մը տուաւ Խախամապետ Րաւ Իցխաք Հալէվային, ընկերակցութեամբ Արժ. Տ. Շիրվան Քհնյ. Միւրզեանի։ Այցելութեան ներկայ էին նաեւ Յունաց Ն.Ս.Տ.Տ. Պարթոլոմէոս Ծայրագոյն Պատրիարքը, Ասորի Ուղղափառաց Պատրիարքական Փոխանորդ՝ Մոր Ֆիլիւքսինոս Եուսուֆ Չէթին Ս. Մետրոպոլիտը, Ասորի Կաթոլիկ Պատրիարքական Փոխանորդը՝ Մոնս. Եուսուֆ Սաղ եւ Հայ Կաթողիկէ համայնքէն Հոգշ. Տ. Աբրահամ Վրդ. Ֆրատեան։
Նորին Սրբազնութիւնը յանուն Պատրիարքական Աթոռի եւ Հայ համայնքին յանձին Խախամապետի շնորհաւորեց Հրեայ համայնքը եւ բարեմաղթութիւններ ըրաւ։