Պատրիարքական Ընդհանուր Փոխանորդ՝ Բարձր. Տ. Արամ Ս. Արքեպս. Աթէշեան, 2 Մարտ 2016, Չորեքշաբթի, ժամը 16.00-ին, ընդունեց Հաճէթթէփէ Համալսարանէն աշակերտներու խումբ մը։
Հիւրերը, «ի նպաստ խաղաղութեան» խորագրեալ համալսարանական աշխատանքի մը համար, կ՚այցելէին կրօնական հաստատութիւնները։ Իրենց նպատակն էր հաստատութիւններէ տեղեկութիւններ քաղել եւ զանոնք համախմբել սոյն աշխատութեան մէջ։
Հիւրերը հետաքրքրուելով Թուրքիոյ Հայ համայնքի պատմութեամբ եւ այժմու վիճակով, Նորին Սրբազնութեան հարցումներ ուղղեցին Հայ Եկեղեցւոյ եւ Հայ համայնքի պատմութեան մասին։ Սրբազան Հայրը պատասխանեց հիւրերու հարցումներուն։