Պատրիարքական Ընդհանուր Փոխանորդ Բարձր. Տ. Արամ Արքեպս. Աթէշեան, 22 Յունուար 2016, ժամը 12.00-ին Հրաշափառի արարողութեամբ դիմաւորուեցաւ գլխաւորութեամբ Ամերիկայի Արեւմտեան Թեմի առաջնորդ Գերշ. Տ. Յովնան Ս. Արքեպս. Տէրտէրեանի տեղւոյն հոգեւորականաց դասուն կողմէ։ Ներկայ էին նաեւ Գերշ. Տ. Վաչէ Արքեպս. Մանուկեան եւ Գուգարաց Թէմի Առաջնորդ Գերշ. Տ. Սէպուհ Արքեպս. Չուլճեան։
Յետ Հրաշափառի արարողութեան, կէսօրուայ ճաշ տրուեցաւ, ի պատիւ Փոխանորդ Սրբազանին ու իրենց մասնակցութիւնը բերին միայն հոգեւորականաց դասը։ Բացման խօսքը կատարեց, Առաջնորդ Սրբազան Հայրը։ Նախ ներկայ հոգեւորականներուն ներկայացուց Արամ Սրբազանը, ծանօթացնելով իր գործունէութիւնը։ Ապա արտայայտուեցաւ Երանաշնորհ Շնորհք Պատրիարքի մասին։
Փոխանորդ Սրբազան Հայրը տեղեկութիւններ փոխանցեց տարուած աշխատանքներուն ու համայնքային կեանքին մասին։ Սրբազան Հօր խօսքէն վերջ, հոգեւորականներ հարցումներ ուղղեցին Արամ Սրբազանին ու ստացան իրենց պատասխանները։
Photos: Media Department WD
