Մայր Աթոռ Ս. Էջմիածին
Տեղեկատուական Համակարգ
Հեռ.: (374 1) 517 128/125
Հեռատիպ: (374 1) 517 125
Էլ-փոստ: holysee@etchmiadzin.am
Տնօրէն` Տ. Վահրամ քհն. Մելիքեան
Մամլոյ Դիւանի պատասխանատու` Հեղինէ Մկրտչեան

ՀԱՂՈՐԴԱԳՐՈՒԹԻՒՆ
Հուլիս 21, 2005թ.

Մայր Աթոռ Սուրբ Էջմիածնէն սրտի խոր կսկիծով կը տեղեկացնենք, թէ Գեղարքունեաց թեմի առաջնորդական տեղապահ Տ. Դերենիկ վրդ.Դաւթեան 21 Յուլիս 2005 թուին Գեղարքունեաց թեմ վերադարձիճանապարհին երթեւեկի եղերական մահով վախճանած է:

Տ. Դերենիկ վրդ. Դաւթեան (աւազանի անունով՝ Արծուի) ծնած էր 23Ապրիլ 1966 թուին Կապան քաղաքին մէջ։

1973-1983 թուականներու միջեւ ստացած էր միջնակարգ կրթութիւն քաղաքի թիւ 6 միջնակարգ վարժարանին մէջ։ 1983-1985 թուականներուն ընդունուած եւ աւարտած էր Երեւանի թիւ 8 Գեղարուեստի ուսումնարանը։

1986-1988 թուականներուն զինուորական ծառայութիւնը կատարած էր խորհրդային բանակի շարքերուն մէջ։

1988-1991 թուականներուն ծառայած էր Կապանի շրջանի Գեղանուշգիւղի Սբ. Հռիփսիմէ եկեղեցւոյ մէջ՝ որպէս դպիր։ 1991 թուինընդունուած էր Մայր Աթոռ Սբ. Էջմիածնի հոգեւոր ճեմարան։ 18Յունուար 1992 թուին Սբ. Հռիփսիմէ վանքին մէջ սարկաւագձեռնադրուած էր ձեռամբ Տ. Անանիա եպս. Արաբաջեանի։ 1995 թուինաւարտած էր Սբ. Էջմիածնի հոգեւոր ճեմարանը։ Պաշտպանած էր աւարտաճառ «Սիւնեաց եպիսկոպոսական Աթոռի պայքարը ունի թոռներու դէմ 14-15-րդ դարերուն» թեմայով եւ  արժանացած «լաւ» գնահատականի։ 12 Նոյեմբեր 1995 թուին Մայր Տաճարին մէջ ձեռամբ Տ. Ասողիկ եպս. Արիստակէսեանի ձեռնադրուած է կուսակրօն քահանայ։

15 Մայիս 1997 թուին Ն.Ս.Օ.Տ.Տ. Գարեգին Ա Ամենայն ՀայոցԿաթողիկոսի տնօրինութեամբ նշանակուած էր Գուգարաց թեմի Իջեւանի տարածաշրջանի հոգեւոր տեսուչ։

21 Փետրուար 2001 թուին պաշտպանած էր վարդապետական աւարտաճառ «Թագաւորօրհնէքի կանոնը Հայ Եկեղեցւոյ մէջ»թեմայով։ Նոյն թուականի 22 Փետրուարին ձեռամբ Արարատեան Հայրապետական թեմի առաջնորդական փոխանորդ Տ. Նաւասարդեպս. Կճոյեանի ստացած էր մասնաւոր վարդապետութեան աստիճան։

8 Օգոստոս 2001 թուին Ն.Ս.Օ.Տ.Տ. Գարեգին Բ Ամենայն ՀայոցԿաթողիկոսի տնօրինութեամբ նշանակուած էր Գեղարքունեաց թեմի առաջնորդական տեղապահ:

Ծառայութեան տարիներուն հոգելոյս Հայր Սուրբը ներկայացած էր որպէս ծառայասէր, նուիրեալ եւ նախանձախնդիր հոգեւորականի տիպարով:

Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը եւ եկեղեցականաց ողջ դասը խորապէս կը սգան երիտասարդ, հաւատաւոր ու ազնիւ միաբանի վաղաժամ վախճանումը:

Հոգելոյս Հայր Սուրբի մարմինը 23 Յուլիս 2005 թուին, ժամը 16.00-ինկը դրուի Սբ. Գայեանէ վանքին մէջ հրաժեշտի համար, ժամը 19.00-ինկը կատարուի եկեղեցւոյ կարգ:

24 Յուլիս 2005 թուին, ժամը 10.30-ին, յընթացս Սբ. Պատարագի կըկատարուին վախճանեալ Հայր Սուրբի վերջին օծման եւյուղարկաւորութեան արարողութիւնները: Հայր Սուրբի մարմինըկ՚ամփոփուի միաբանական գերեզմանատան մէջ:

Յիշատակն արդարոյն օրհնութեամբ եղիցի: