Նախկին նախարար Մէհտի Էքէր, Ս. Զատկի առթիւ, ժամը 14.15-ին, քաղաքավարական այցելութիւն տուաւ Պատրիարքարան եւ ընդունուեցաւ Պատրիարքական Ընդհանուր Փոխանորդ Բարձր. Տ. Արամ Արքեպս. Աթէշեանի կողմէ։ Յարգելի հիւրը, Պատրիարքարանի մուտքին դիմաւորուեցաւ համայնքի անդամներու կողմէ։ Ներկայ էին Ստանպուլի երեսփոխան Մարգար Էսաեան, Ս. Փրկիչ Ազգ. Հիւանդանոցի Հոգաբարձութեան Ատենապետ Պետրոս Շիրինօղլու, Աթոռանիստ Մայր Եկեղեցւոյ Թաղային Խորհուրդի Ատենապետ Հրանդ Մոսքոֆեան եւ իր պաշտօնակից ընկերները։
Մէհտի Էքէր, Արամ Արքեպս.ի անձին մէջ շնորհաւորութիւնները յղեց Հայ Համայնքի անդամներուն։ Մտերիմ զրոյցէ յետոյ, յարգելի հիւրը հրաժեշտ առաւ Պատրիարքարանէն։