Պատրիարքական Ընդհանուր Փոխանորդ Բարձր. Տ. Արամ Արքեպս. Աթէշեան, ընկերակցութեամբ՝ Արժ. Տ. Սարգիս Աւ. Քհնյ. Գույումճեանի, 28 Յունիս 2014, Շաբաթ առաւօտ մեկնեցաւ Տիգրանակերտ։

Սրբազան Հայրը, 29 Յունիս 2014, Կիրակի, պիտի նախագահէ Տիգրանակերտի Ս. Կիրակոս Եկեղեցւոյ մէջ կատարելի արարողութեանց։ 30 Յունիս 2014, Երկուշաբթի, պաշտօնական այցելութիւն պիտի տայ Տիգրանակերտի Կուսակալ՝ Մուսթաֆա Ճահիթ Քըրաքին, ինչպէս նաեւ Տիգրանակերտի նորընտիր Քաղաքապետ՝ Կիւլթէն Քըշանաքին։ Նորին Սրբազնութիւնը, նոյն օր ժամը 19.15-ին պիտի վերադառնայ Ստանպուլ։