Ն.Ա.Տ. Սահակ Բ. Պատրիարք Սրբազան Հայրը, համայնքային վարժարաններու շէնքերուն երկրաշարժի տոկունութեան մասին խորհրդակցելու օրակարգով 1 Սեպտեմբեր 2020, Երեքշաբթի, Ժամը 15.00-ին, Աթոռանիստ Մայր Եկեղեցւոյ Պէզճեան Սրահին մէջ, ժողովի կը հրաւիրէ
- «ԷՐՎԱՊ»ի եւ Ս. Փրկիչ Ազգային Հիւանդանոցի Ատենապետ՝ Տիար Պետրոս Շիրինօղլուն
- Վարժարան ունեցող համայնքային եւ թաղային մարմիններու ատենապետները
- Վարժարաններու հիմնադրի ներկայացուցիչները եւ տնօրէնները
- Կը հրաւիրուին նաեւ Հայ Կաթողիկէ համայնքի վարժարաններու վարչութեանց ատենապետները, հիմնադրի ներկայացուցիչները եւ տնօրէնները։
Սոյն խորհրդակցութեան կը մասնակցին «ՀԱՅՃԱՐ»ի մասնագէտները, որոնք իրենց կատարած քննարկումներու մասին տեղեկութիւններ պիտի փոխանցեն։
Հանդիպումը բաց է մամլոյ ներկայացուցիչներուն։
Նկատի ունենալով, որ կատարուած քննարկումներու արդիւնքին մասին Պատրիարքարանի մէջ պահուած թղթածրարի գոյութեան զրոյցներ կը շրջին, Նորին Ամենապատուութիւնը սոյն հրաւէրը ուղղած է յանուն թափանցիկ ըլլալու կարևորութեան և որպէսզի այս առումով համայնքային շրջանակներէ ներս շփոթ կացութիւն չստեղծուի։
ԴԻՒԱՆ ՊԱՏՐԻԱՐՔՈՒԹԵԱՆ